പെണ്ണ് ഒരു അത്ഭുതമാണ് , അദ്ഭുതമാണ് എന്നൊക്കെ പലരും പറയുന്നത് കേട്ടിട്ടുണ്ട് എങ്കിലും എനിക്കാ കാര്യം വിശ്യാസമായത് അവളിലൂടെയായിരുന്നു.....
അവള് ഒരു അത്ഭുതമാണോ എന്നറിയാന്‍ അവളുടെ കല്ല്യാണത്തിന് രണ്ട് ദിവസം മുന്‍പ് മുതല്‍ ഞാനവളെ ശ്രദ്ധിച്ചു തുടങ്ങി...!!
കല്ല്യാണം കഴിഞ്ഞാല്‍ താനിനി താമസിക്കാന്‍ പോവ്വുന്നത് മറ്റൊരു വീട്ടിലാണെന്ന് അറിഞ്ഞിട്ടും കല്ല്യാണത്തിന് രണ്ട് ദിവസം മുന്‍പ് പോലും വീടിന്‍റെ മുറ്റത്തുള്ള റോസിനും മുല്ലക്കും ആന്തൂറിയത്തിനും വെള്ളമൊഴിച്ച് തൊട്ടു തലോടിയത് കണ്ടപ്പോള്‍ ഞാനവളിലെ നിഷ്കളങ്കമായ നന്മയോര്‍ത്ത് ആദ്യം അത്ഭുതപ്പെട്ടു .... !!
പിന്നെ കണ്ടത് കല്ല്യാണത്തിന് തലയില്‍ ചൂടാന്‍ കൊണ്ട് വന്ന മുലപ്പൂവ് ഇത്തിരി കുറഞ്ഞുപോയതിന് കൊണ്ട് വന്നവരോട് പരാതി പറയുന്ന അവളിലെ കുറുമ്പും പരിഭവവും കണ്ടപ്പോഴാണ്.... അവളോടുള്ള എന്‍റെ അത്ഭുതം കുറച്ചുകൂടി കൂടുകയായിരുന്നു.... !!
വിവാഹനാള്‍ താലികെട്ട് കഴിഞ്ഞ് നവധുവായി അവളീ പടിയിറങ്ങി പോവ്വാന്‍ നേരം അച്ചന്‍റെ ചുമലിലേക്ക് വീണ് മുഖമമര്‍ത്തി പൊട്ടിക്കരഞ്ഞ്, കൂടപ്പിറപ്പിന്‍റെ കൈ മുറുകെ പിടിച്ച് വിതുമ്പുന്ന അവളിലെ നിര്‍മ്മലമായ സനേഹത്തെ ഞാന്‍ കണ്ടു.. അവളീ ദുഖഭാരത്താല്‍ എങ്ങനെ പുതിയൊരു വീട്ടില്‍ ജീവിച്ച് തീര്‍ക്കും എന്നത് എന്നെ വല്ലാതെ അത്ഭുതപ്പെടുത്തി....!!
കല്ല്യാണം കഴിഞ്ഞ് മൂന്നാം നാള്‍ ഭര്‍ത്താവിന്‍റെ കയ്യും പിടിച്ച് സന്തോഷത്തോടെ അവളിവിടേക്ക് വിരുന്നു വന്നു...തിരിച്ച് പോവുമ്പോള്‍ അവളുടെ അമ്മ ചോദിച്ചു മക്കളിനി എന്നാ വരികാന്ന്. അത് കേട്ട് മറുപടി പറയാന്‍ തയ്യാറായ ഭര്‍ത്താവിന് മുന്നെ അവള് ഭര്‍ത്താവിന്‍റെ മുഖത്തെക്ക് നോക്കി പറഞ്ഞു , ഞങ്ങള്‍ക്കിനി ഒരുപാട് സ്ഥലങ്ങളില്‍ പോവ്വാനുണ്ട്, അത് കഴിഞ്ഞിട്ട് വരാംല്ലേ ചേട്ടാന്ന്...... മൂന്ന് ദിവസം മുന്‍പ് പടിയിറങ്ങുമ്പോള്‍ പൊട്ടിക്കരഞ്ഞ അവളിലെ ഈ മാറ്റം എന്നെ ഒരുപാട് ഒരുപാട് അത്ഭുതപ്പെടുത്തി....
അതെ.... പറിച്ചു നട്ടിടത്ത് അവള്ക്ക് സ്നേഹവും സംരക്ഷണവും കിട്ടിയപ്പോള്‍ അവള് മെല്ലെ അവിടെ വേരുറപ്പിക്കാന്‍ തുടങ്ങിയിരിക്കുന്നത് ഞാന്‍ മനസ്സിലാക്കി....
അതെ ഞാന്‍ കാത്തിരിക്കുകയാണ്.... അവളെ കുറിച്ചോര്‍ത്ത് കുറച്ചുകൂടി അത്ഭുതപ്പെടാനുണ്ടെനിക്ക്..... !!
കുറെ നാള്‍ കഴിഞ്ഞ്, കുട്ടികളായി , കുടുംബമായി കഴിയുന്ന ഒരു നാള്‍ അവള് ഒറ്റക്കീ പടി കയറി വരും... അന്നവള്‍ക്കായി ഒരുക്കിയ അവള്‍ക്കിഷ്ടമുള്ള പലഹാരങ്ങളില്‍ നിന്ന് ഒന്ന് പോലും എടുക്കാന്‍ അവള് താല്പര്യം കാണിക്കില്ല.... കാരണം ചോദിച്ചാല്‍ ഉത്തരമായി അവള് ദീര്‍ഘനിശാസം വിട്ട് കുറെ മറു ചോദ്യം ആരോടെന്നില്ലാതെ ചോദിക്കും എന്‍റെ മക്കളിപ്പോ എന്തു ചെയ്യുകയാണോ എന്തോ..? സ്കൂള്‍ വിട്ട് വന്നിട്ടുണ്ടാവുമോ....? ചേട്ടന്‍ വീട്ടിലെത്തി കാണുമോ.....?
അന്ന് ഞങ്ങളെല്ലാവരും കൂടി കുറച്ച് ദിവസം ഇവിടെ താമസിച്ചിട്ട് പോവ്വാന്‍ അവളെ നിര്‍ബന്ധിക്കും.... അന്നേരം അവള് പറയും അയ്യോ അത് പറ്റില്ലട്ടോ , ഞാനില്ലെങ്കില്‍ ചേട്ടന്‍റെയും കുട്ടികളുടേയും ഒരു കാര്യവും നേരാംവണ്ണം നടക്കില്ലട്ടോ എന്ന്.... ആ സമയം അവളിലെ ഉത്തമ ഭാര്യയെ ഓര്‍ത്ത്, അവളിലെ മാത്യസ്നേഹത്തെ ഓര്‍ത്ത് എനിക്കാ ബാക്കിയുള്ള അത്ഭുതം കൂടി അവളിലൂടെ അറിയണം.....
അന്നവളീ പടി ധൃതിയില്‍ ഇറങ്ങി പോവുന്നത് എനിക്ക് അത്ഭുതത്തിന്‍റെ പൂര്‍ണ്ണതയില്‍ നോക്കി നില്‍ക്കണം...
അല്ലയോ പെണ്ണേ നിന്നെപോലുള്ള ഒരു ഉത്തമപത്നി ഓരോ ആണിന്‍റേയും സ്വകാര്യ അഹങ്കാരമാണ്... നീ ഇനിയും ഉത്തമപുരുഷന്‍റെ ഉത്തമപത്നിയായി താങ്ങായി തണലായി അത്ഭുതപ്പെടുത്തി കൊണ്ടേ ഇരിക്കുക..... !!!
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ